User txirula17 - Tagzania

Albizturko gaztelua (Mendikute)

Mendikute mendiaren goialdean zegoen gaztelua, 815 metrora, Ernio mendilerroko hego-mendebaldeko tontor batean, Albiztur eta Tolosa gainean. Erdi Aroko izena ziurtasun osoz jakiterik ez dagoenez, mendiarena ematen zaio. Mendikuteko inguruetan erromatarren garaiko aurriak daudela esaten da. Mendikute izena bera ere latinetik dator, Koldo Mitxelenaren iritziz: Mons acutum, ‘mendi zorrotza’. Erdi Aroan gotorleku gisa erabili omen zuten (XII-XIV. mendeen artean, gutxienez). Aro honetan Gipuzkoa historiara sartu zela esaten da: gizarte antolakuntzan aldaketa handia gertatu zen, feudal kutsukoa. Giro berri horretan, gotorlekuek garrantzi handia hartu zuten lurraldea egituratzeko eta jaunen ezinbesteko botere tresna gisa.

albizturko gaztelua (mendikute)

Hondarribiko gaztelua

Gaztelua Erdi Aroko Hondarribian kokatuta dago, egungo Armen plazan, Karlos V.aren ostatua dagoen toki berean. Bertan, tokirik garaiena hartzen du hiriguneak, 29 metro. Uste denez, Nafarroako errege Antso Abarkari (970-999) zor zaio hasierako eraikuntza, baina zenbait berrik askoz zaharrago dela diote, Rekaredo bisigodoaren garaikoa. Kondairak dio 1000. urtean baino bazela eraikin gotortu bat, gehienbat itsaso aldetik etorritako arerioei aurre egiteko.

hondarribi gaztelua

Donostiko gaztelua

Donostia hiriaren iparraldean dago gaztelua. Urgull mendiaren gailurrean (120 m). Berant Erdi Aroan, eta ondoko garaietako mugak zirela eta, Euskal Herriko hiri gotortu nagusietako bat bilakatu zen Donostia, eta izaera militarrak XIX mende arte iraun zuen. Bidasoako mugatik gertu egoteaz gain, itsasertzean zegoen eta horrek eskuragarri uzten zien arerioei. Donostiako gazteluari gaztelaniaz Santa Cruz de la Mota deitzen diote.

donostia gaztelua urgull

arrasateko gaztelua

263 metroko garaierako Santa Barbara muinoaren gainean kokatzen da gaztelua, Erdi Aroko hirigunearen ondoan. Goialdeari “Goiko obalu” edo “Goikobalu” esaten diote. Rodrigo Ximenez de Radak ez du jasotzen Arrasatekoa Alfontso VIII.ak Gipuzkoan eskuratutakoen gazteluen artean, baina Esteban Garibaik historialari arrasatearrak (1533-99) gehitzen dio eginiko zerrendari. Gaztelako Joan II.aren 7. urtean gertatu bazen, gazteluaren suntsiketa 1426 urtean izango zen.

arrasate gaztelua