GORBEIA PARKE NATURALA

Parke Natural hau Bizkaia eta Arabako lurralde historikoetan dago, ur isurialde kantabriar eta mediterranearraren gune den Gorbeia mendiaren inguruan. Altuera handia dela medio, mendi klima du eta, gainera, Bizkaiko Golkotik datozen haize hezeei aurrera egitea galarazten dien hesi gisakoa denez, bera da hein handi batean hego eta iparraldeak dituzten ezaugarri desberdinen eragile.Euskal mendizalearentzat Gorbeia tradiziozko erreferentzia da. Gorbeiagane, Aldamin, Oketa, Berretin eta gainerako gailurren erakargarritasunari, bertako paisaien kalitate eta ikusgarritasunei eta mendiak, hiriguneekiko, duen kokapen estrategikoari esker, mendikate hau bisitatuenetakoa bihurtu da. Mendi honetako bide eta pistak oinezko mendizaleek, mendi txirrindulariek eta zaldunek zeharkatu ohi dituzte, Parkean zehazki seinaleztaturiko Bide Sareaz eta Mendi Federazioek diseinaturiko GR eta PR ezagunez baliatuz.Parke Naturalaren barnean eta muga inguruneetan hamaikatxo gune daude, aisialdirako hornikuntzaz jantziak. Horietako nagusia Pagomakurre da Bizkaia aldetik; arabar hegietan, berriz, Baia ibaiaren aisialdi gune dugu eta, bertan, arestian irekitako Parketxe edo Harrera Gunea.Litologiak hala nahi izanda, erliebe bortitzen buruan kareharrizko amilburuak ikusten ditugu iparraldean, eta, Araba aldetik, mende luzeek gozaturiko tontor silizeoak. Erreka eta latsek arroila sakon eta malkartsuak zizelkatu dituzte. Goieneko tarteak txilar eta belazeetan barrena doaz eta, hegietan, pendiza erpin bilakatzean, ertzak zuhaitzez estaliz ezkutatzen dira. Horrela hedatuko dira goitik behera, oraintxe pagadi, amezti, gaztainadi eta harizti zarratuetan barna, oraintxe konifero sail luzeak zeharkatuz.Landaredi horien aniztasun handi eta hedadura zabalari esker, oreina berriro sartu da Gorbeia inguruan. Animalia hori, bertako inguruneari bete-betean egokiturik, ederki ugaldu da Parkeko arabar aldean, eta bertako ikur bihurtu da.Gehiago jakiteko klikatu hurrengo helbidean: http://www.gazteaukera.euskadi.net/r58-2247/eu/contenidos/informacion/enp/eu_1086/gorbeia_e.html

Get Directions to here | Add a new place in this area | Hotels in Urkabustaiz

Big map | Google Earth KML | OpenStreetMap

jonalex (updated 12 years ago)

Embed


Did you see something wrong?, contact Tagzania.

Photos, Videos