ARALAR PARKE NATUURALA

Altuerari, hedadurari, lurzoruaren erabilerei eta natur baloreei dagokienez, Aralar Parke Naturala Euskal Herriko mendialderik garrantzitsuenetako batean dago. Paregabeko paisaia eskaintzen duen eremu honek Gipuzkoako hego-ekialdean egiten du muga mendikate beraren nafar partearekin.Mendigunearen erdialdea larre gisa erabiltzen dute latxa arrazako artalde ugarik era estentsiboan: berrogeita hamar bat artzainek dituzte mendilerro osoan barreiaturik beren saroi, eskorta eta txabolak, ganaduak uda partea goi larreetan ematen baitu, maiatzeko hondarretik azaro aldera arte, eskuarki. Artzaintza mota honek milaka urte ditu, Aralarren dauden monumentu megalitiko ugariek (dolmenak, tumuluak, cromlechak eta menhirrak) frogatzen dutenez.Parkearen barrunbean natur balio eta bitxitasun handiko aldeak daude, hala nola Akaitzeko pagadia (sekulako hagin mordoa pilatzen delako, ezagun-ezaguna), Pardarriko harritza eta Txindoki mendiko ipar hegi eta troketako flora eta fauna espezie arraroak, "Ataungo Domo" tokiko gailurrak, Arritzaga harana eta berealdiko interes geologikoa duen Pardelutz glaziar zirkua, hostozabalen baso zabalak, etab.Zeru gainetan hegan ohi dabiltzan sai arrea, sai zuria, arrano beltza eta, areago, ugatza bera ere ikus daitezke maiz. Mendi gailurretatik behera datozen ur latsetan bisoi europarra eta desman piriniarrak aurki daitezke.Aralar Parke Naturalak aukera ederra eskaintzen dio aisiaz eta jolasaz gozatzeko xedez datorrenari. Gipuzkoako nekazaritza munduaren ordezkari diren inguruneetako herri eta baserriak berak ere erakargarri zaizkio bisitariari. Txindoki eta beste hainbat tontor ezagun, monumentu megalitiko interesgarriz zipriztindutako mendi larre zabal-zabalak eta beste hainbat elementu ere biziki interesgarriak gertatzen dira mendizalearentzat. Mendi Federazioko Ibilbide Luze eta Laburrak (GR eta GP) asko mendizaleentzako ibilbide gisa zedarrituak daude eta aldeen artean oinezkoentzako lotuneetan aisialdirako ekipamenduak ezarri dira. Lizarrusti mendatean informazio zentroa eta aterpetxea dituen Parketxea eraiki da.Gehiago ezagutzeko klikatu hurrengo helbidean: http://www.gazteaukera.euskadi.net/r58-2247/eu/contenidos/informacion/enp/eu_1086/aralar_e.html

Get Directions to here | Add a new place in this area | Hotels in ES.32.NA.31020

Big map | Google Earth KML | OpenStreetMap

jonalex (updated 11 years ago)

Embed


Did you see something wrong?, contact Tagzania.

Photos, Videos