Tagzania
Ezagutu Euskal Herriko eta munduko bazterrak.
Pantaila-argazkiak
Deskribapena
Ongi etorri Tagzania jokora! Ezagutu Euskal Herriko eta munduko bazterrak.
Mekanika
Egunero bi toki proposatuko dizkizugu, bat Euskal Herrikoa, eta bigarrena mundu zabalekoa. Jokoan ager daitezkeen tokiak proposatzeko aukera dago, zeuk egindako argazki geokokatuak igoz gero.
Taldeak eta lehia
Sailkapenak daude: egunerokoa, asterokoa, hilerokoa. Lehia orokorraz gain, adiskide eta senitartekoekin taldeak sor ditzakezu, lagunen arteko sailkapenetan lehiatuz.
FAQ
Zer da Tagzania?
Tagzania mugikorretarako joko bat da, edonork jokatzeko modukoa. Euskaraz eta Euskal Herriko edukia erakusten duena.
Zein da helburua?
Helburu nagusia da geografiaren inguruan joko batean parte hartuz ondo pasatzea. Egunean minutu pare bat euskaraz jokatzeko aitzakia ematea.
Sailkapenak daude?
Bai, egunerokoa; astekoa, eta hilabetekoa (hil bakoitzaren 1etik azken egunera). Ez dago saririk lotuta sailkapen hauei, baina pentsatzen ari gara lorpen-adierazpen sinbolikoak (dominak eta ikurrak) sartzea jokoan. Taldeetan bazaude, horietako bakoitzean ere ikusiko dituzu hiru sailkapenak (egunekoa, astekoa, hilabetekoa).
Nola jokatu?
Oso erraza da. Egunean partida bat eta bakarra jokatzeko aukera izango duzu. Bi toki agertu zaizkizu, argazkiekin ilustratuak inguruak erakusteko; eta bakoitza mapa batean kokatu beharko duzu. Euskal Herrikoa izango da toki bat, eta Mundukoa beste bat. Erakutsitako argazkietan bereziki markatua dago bat: horixe egin zen geokokapen zehatza da asmatu beharrekoa.
Bi toki bakarrik?
Oraingoz, bai. Joko arina egin nahi izan dugu, Egunean Behinen ildotik, ez denbora kenduko dizun adikzio bat. Baina aztertu nahi ditugu jendearen erabilpena eta espektatibak. Datu eta iritzietan oinarrituta, agian toki gehiago sartuko ditugu eguneroko partidan (hain zuzen ere zuk zeuk tokiak proposatzeko aukera daukazu aplikazioan bertan, zeure argazki geokatuak igota). Zure iritzia jasotzeko prest gaude: aplikazioko kontaktu funtziotik idatzi mesedez.
Publizitatea dauka!
Bai, jokoa plazaratzen dugun unean, 2025ean, ez dakigu zehatz nolako gastua eragingo digun kudeaketak, eta diru irteerak ahal bada sarrerekin estaltzea komeni zaigu. Zenbakiak eta balantzea nola doazen ikusita, publizitatea murrizteko edo kentzeko moduak aztertuko ditugu. Bitartean, funtzionamendu hau etsigarria iruditzen bazaizu, sentitzen dugu, oraingoz Tagzania ez da zuretzat.
Nor gara
CodeSyntax euskal enpresak sortutako jokoa da Tagzania. Duela urte dexente, mapetan tokiak gordetzeko webgune bat izan zen, 2025ean beste izpiritu batekin berregin dugu, eguneroko joko bat osatzeko. Egunean Behin jokoa da geuk egindako beste app bat, agian ezagutuko duzuna.
Sortzailea
Babesleak
