txintxarri with tag alegiamonumentu

txintxarri

• 

  Udaletxea

  Udaletxeak estilo barrokoa du, alabaina, egileak, Martin Karrera Aranburu arkitektoak, bertako elementu herrikoiez osatutako apaingarriak ere sartu zizkion jakinduriaz. 1.770 urte inguruan Alegiako Udalak eraikin zaharra moldatzeko edo berreraikitzeko lanak egiteari ekin zion. Eraikin zahar hori (ziurrenik Udaletxea zen lehen ere) Plaza Nagusian zegoen. .
  

  alegia udaletxea alegiamonumentu

• 

  Gurutze Santuaren Ermita

  Herriko alde zaharrean kokatua dago, eta batzuk diotenez, Donejakue bidearekin zer ikusi zuzena du. Tradizioaren arabera, ermita honetara botatako txanponak garatxoak kentzeko balio dute. 1802ko "Diccionario Histórico-Geografico" liburuaren arabera, ermita honetaz gain beste bi zeuden herrian: Urzuriagako San Migel eta San Sebastian ermitak.

  alegia ermita alegiamonumentu

• 

  Gorotzene baserria

  Gorotzene baserrian, Gipuzkoan erabiltzen jarraitzen den "horreo" bakarra dago. Badirudi, trenbidea egitera etorritako galiziar batzuk eraiki zutela XX. mende haseran.

  alegia gorotzene horreoa alegiabaserri alegiamonumentu

• 

  San Juan Bautista Parrokia

  Parrokia 1.643. urtean eraikia da. Estilo aldetik, Gotiko-neoklasikoa da, bigarrena gailentzen delarik batik bat. Parrokiaren barnean Kristoren taila gotikoa ikus genezake, Gipuzkoako onenetako bat, eta baita ere "Cavaille-Coll" organoa, Jose Manuel Lopetegik 1.881an oparitua. Eta segurtasun neurriengatik agerian ez badaude ere aipagarriak dira: Arantzazuko Ama, sevillar eskolako Luisa Roldana "La Roldana" eskultorearen lana, eta XV - XVI mendeen artean eginiko kustodia, errenazimenduko harribitxia.

  alegia eliza alegiamonumentu

• 

  Txintxarriaren Eskultura

  Aspaldi baten zintzarriak egiten zituzten herrian eta horregatik gelditu zitzaien Txintxarri goitizena alegiarrei. Hori dela eta Tomas Ugartemendiak egindako eskultura hau.

  alegia txintxarria alegiamonumentu

• 

  Zubi Zaharra

  Erdi aroko zubi hau Alegiako irudirik xarmangarri eta ezagunetako bat da eta Aralarko mendiak oria bailararekin komunikatzen zituena.1983ko uholdeak sortutako kalteen ondorioz zati batean eraberritua dago.

  alegia zubi-zaharra alegiamonumentu