Udaletxeak estilo barrokoa du, alabaina, egileak, Martin Karrera Aranburu arkitektoak, bertako elementu herrikoiez osatutako apaingarriak ere sartu zizkion jakinduriaz. 1.770 urte inguruan Alegiako Udalak eraikin zaharra moldatzeko edo berreraikitzeko lanak egiteari ekin zion. Eraikin zahar hori (ziurrenik Udaletxea zen lehen ere) Plaza Nagusian zegoen. .
Oria ibai ertzean dagoen pasealeku honek km bat du eta herriaren alde zaharra ertza batetik besteraino zeharkatzen du, alde bateko amaiera garai batean "Txubi" izenez ezagutzen eta gaur egun afora lekua dagoen gunean du.
Maider Jauregiren argazkia.
Herriko alde zaharrean kokatua dago, eta batzuk diotenez, Donejakue bidearekin zer ikusi zuzena du. Tradizioaren arabera, ermita honetara botatako txanponak garatxoak kentzeko balio dute. 1802ko "Diccionario Histórico-Geografico" liburuaren arabera, ermita honetaz gain beste bi zeuden herrian: Urzuriagako San Migel eta San Sebastian ermitak.
Gorotzene baserrian, Gipuzkoan erabiltzen jarraitzen den "horreo" bakarra dago. Badirudi, trenbidea egitera etorritako galiziar batzuk eraiki zutela XX. mende haseran.
Parrokia 1.643. urtean eraikia da. Estilo aldetik, Gotiko-neoklasikoa da, bigarrena gailentzen delarik batik bat. Parrokiaren barnean Kristoren taila gotikoa ikus genezake, Gipuzkoako onenetako bat, eta baita ere "Cavaille-Coll" organoa, Jose Manuel Lopetegik 1.881an oparitua. Eta segurtasun neurriengatik agerian ez badaude ere aipagarriak dira: Arantzazuko Ama, sevillar eskolako Luisa Roldana "La Roldana" eskultorearen lana, eta XV - XVI mendeen artean eginiko kustodia, errenazimenduko harribitxia.
Atseden leku eta kultur eta kirol gunearen sarrera, Amezketa ibaiak Oriarekin bat egiten duen gunean kokatua dago. Itsasontzi baten brankaren itxura du. Alvaro Arrietaren proiektua da. "Bibalabirgen" festa alternatiboetako gune nagusia.
Aspaldi baten zintzarriak egiten zituzten herrian eta horregatik gelditu zitzaien Txintxarri goitizena alegiarrei. Hori dela eta Tomas Ugartemendiak egindako eskultura hau.
Atsedenleku ezin hobe hau "Aldaba Txiki" herri mendian dago 250 m.ko altueran. Iturri, komun, haur parke, mahai eta eserleku, eta parrillaz hornitua dago, eta aterpetxo bat ere badu.
RENFEren lokal zahar hau 1987an okupatu zuten herriko gazteek, kolorea eta bizia emanez. Autogestioren bidetik dirau zutik eta bizirik. Bertan antolatutako Bibalabirjen jaiek ospea haundia dute (uztailaren erdialdea).
Tagzania
